entzun.eus

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
2023-01-31

Zeid Fest jaialdiaren bigarren edizioa apirilaren 1ean izango da

La Furia, La M.O.D.A., Nøgen, Don Patricio, Samantha Hudson edota Esne Beltza taldeen zuzenekoez gain, Albina Stardust-en ‘Euskal Trabestiak’ ikuskizuna ere badakar Zeid Fest-en kartelak.

Albina Stardust Albina Stardust

Klikatu argazkien gainean handiago ikusteko

Zetak taldeak Panda Artist Management-ekin batera antolatzen duen Zein Ederra Izango Den Fest (ZEID Fest) musika jaialdiaren bigarren edizioa egingo dute datorren apirilaren 1ean Barakaldoko BEC-en. 

Goizeko 11:00etan zabalduko dituzte ateak eta gaueko 02:00ak bitarte makina bat talde eta artista igoko dira oholtzara: La M.O.D.A., Don Patricio, Doctor Deseo, Zahara, Esne Beltza, Nøgen, Skabidean, Gozategi, La Furia, Samantha Hudson, Kukai, Eñaut Elorrieta, Olaia Inziarte, La Fúmiga, Kerobia, Elektropottotte, Txitxoko, Emakumeen Txaranga.Banda horien musikaz gain, Euskal Trabestiak ikuskizuna ere taularatuko dute, Albina Stardustek zuzenduta. Albinak berak, Aurah Sin, Celeste Poliester, Divina Comedia, Donatella Maní, Maruxak, Sussie Pussie, Xarma Leone eta Yogurinha Borova artista trabestien parte hartzearekin. 

Sarrerak salgai daude jaialdiaren webgunean, 34 euroren truke. Eta ekitaldira bertaratzeko nahiz bertan eguna pasatzeko informazio praktiko osoa ere zabaldu dute. 

bidali zure berria Bidali zure berria
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.