Klikatu argazkien gainean handiago ikusteko

Ezcafest 2020 festibalak musikaz beteko du Errioxako Ezcaray herriko Fabrica Real delako gunea. Jaialdiko antolakuntzak, momentuz, hiru talde aurreratu ditu kartela osatuko dutenen artean: Zea Mays, Sozidad Alkoholika eta Meridian.

Kontzertu handi eta jendetsuak ez ezik, esperientzia gastronomikoak, kale animazioa, vermut musika-saioak eta beste ere proposatuko ditu uztailaren 3tik 5era bitarteko egitarauak.

Sarrerak salgai jarri dituzte festibalaren webgune ofizialean, eta aurreneko 500 aleekin promozio berezi bat egingo dute, 25 eurotan jarri baitituzte.