Julen eta Imanol Rivas anaiek sortu eta gerora Koldo Belloso baxu-jotzaileak osatu duen proiektua da Yo Ciervo. Urte asko daramatzate elkarrekin eta taldeak eboluzio naturala izan du. Azken uzta hau La Guerra de la Independencia trilogiaren hirugarren eta azken alea da; lehenago Vol.2 eta Vol.3 kaleratu baitzituzten.
Amorrua, emozioa eta kritika soziala dira nagusi hitzetan, eta atal instrumentala baino gehiago melodia landu omen dute. Disko osoa kaleratu aurretik Salba Nazazu, Behartuak, edota Gorrotoa singleak zabaldu dituzte, eta honezkero dozena erdi kontzertu lotzear direla aurreratu dute; guzti-guztiak Gipuzkoan.