entzun.eus

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
2009-07-12

TABAKALERA SOINUTAN ERAKUSKETA ZABALIK IRAILAREN BUKAERA ARTE

Patxi Araujo. Arg: Asier Gogortza. Patxi Araujo. Arg: Asier Gogortza.

Klikatu argazkien gainean handiago ikusteko
Dokumentu erlazionatuak
Lotura erlazionatuak
Tabakalera Soinutan izena duen erakusketa nazioarteko nahiz bertako hamabi soinu artisten lanak biltzen dituen ibilbidea da. Uztailaren 11n zabaldu zen eta irailaren 27ra arte egonen da zabalik.

Donostiako Tabakalera beste modu batera ikusi, bizi eta entzuteko aukera zabalduko da. Eraikineko aretoetan barna ibilbide bat osatuko duten soinu instalazioek, eskulturek, ikus-entzunezko lan interaktiboek... Tabakalera soinu bidez irakurtzeko eta deskubritzeko modu berri bat proposatzen du Tabakalera Soinutan erakusketak. Tabakalera Soinutan soinuak gidatutako ibilbidea da, soinu arteari eskainitako erakusketa bat izateaz gain, Tabakalera bezalako eraikin berezi bat ezagutzeko aukera ematen duen gonbidapena. Xabier Erkiziak zuzendu eta koordinatutako proiektua.

Nazioarteko zein bertako hamabi artistek aurkeztu dituzte euren lanak Tabakaleran. Lan horietako batzuk erakusketa honetarako propio sortutako instalazioak dira, eta beste batzuk berriz, eraikinaren espazioetara egokitutako lanak.
Erakusketan parte hartzen duten artista guztiek soinua dute ikerketarako eta esperimentaziorako lehengai, eta euren proposamenak lotzen dituen haria espazioarekin eta publikoarekin eraikitzen duten harremana da. Erlazio horri esker, ibilbideko aretoetan aurrera egin ahala, espazio horietaz dugun pertzepzioa aldatzen joango da.

Artistek egindako interbentzioez gain, eraikina bera eta baita bisitariak ere erakusketan eragile aktibo bihurtzen dira. Artelanei esker espazioaz dugun pertzepzioa aldatu egiten da eta, era berean, lanetako asko eraldatu egiten dira bisitarien esku-hartzearen ondorioz. Beraz, hiru elementuon artean lotura estua sortzen da, nolabait, elkarren menpeko bilakatzen dira.


ARTISTAK
Achim Wollscheid
Pe Lang
Will Schrimshaw
oSone
Lerraum [ ]
Marcello Liberato
Juan Jos
bidali zure berria Bidali zure berria
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.