1977an sortu zen Stiff Litle Fingers taldea Irlandan. Jake Burns eta Bruce Foxton buru zituen eta 1983 arte biziraun zuen. 1987an elakrtu ziren berriro, gaur egun arte.
Beren estiloa punk azkarra, oldarkorra eta energetikoa zen hasieran. 1979an atera zuten euren lehen diskoa, Inflamable Material, eta denborarekin euren soinua aldatuz joanen zen oldarkortasun hori baretuz baina abesti puxkak eraikiz. Beren letrak sozialak izan dira neurri handi batean, arrazakeria, pobrezia edo antimilitarismoa bezalako gaiak jorratuz.

* Urriaren 1ean Atarrabiako Totem aretoan joko dute eta hilaren 2an Durangon, Oktoberfest jailadiaren barruan, non Cock Sparrer punk bandarekin eszenatokia konpartituko duten (bueno, The Sun egunkarian konfirmatu beharko dugu ea zer dioten).
Gainera, haiekin batera Cobra, Des-Kontrol eta beste asko arituko dira.


Stiff Little Fingers gertuagotik
SLF sortu aurretik, Jake Burns (abeslari eta gitarra jotzaileak), Henry Cluney (gitarra jotzaileak), Gordon Blair (baxu jotzaileak) eta Brain Faloon (bateria jotzaileak) "Cover" estiloko Highway Star taldea osatu zuten. Gordon Blair-ek taldea utzi zuenean (Rudi taldean hasi zen) eta Ali McMordiek bere tokia hartu zuenean, Henry harremanetan hasi zen Erresuma Batuan hedatzen ari zen punk oldearekin.
The Fast izena hartu zuten hasieran, Highway Star hori ez zelako batere punk estilokoa, baina, azkenean Stiff Little Fingers aukeratu zuten; aipamen erabat sexuala, beraz.
Gordon Olgivie kazetariak xaxatuta, abestiak sortzen eta beren nortasuna kantetako gaien inguruan osatzen hasi ziren: kontu pertsonalak eta auzi politikoak tartekatzen dituzten letrak, eta punkaren indarra eta errepika abesten errazak bateratzen dituzten doinuak.

Hasierako abesti haietako bat BBC Radioko Jonh Peel disko jartzailearen eskuetara iritsi zen, eta gauero aireratzeari ekin zion. Entzuleen artean sortutako jakin minaren ondorioz, Rough Trade banatzailea, gerora, besteak beste, The Smiths taldearen banatzaile izandakoa, aurreneko grabazio hura zabaltzen hasi zen.
2007an taldeak 30 urte bete zituen, eta biran hasi zen Europa osoan. Beraz, 80ko hamarkada amaieran Ingalaterrako gizartearen oinarriak kolokan jarri zituen punk mugimenduari Irlandak emandako erantzuna zuzenean dastatzeko azken aukera izan daiteke hau.