Pandemiagatik bertan behera geratu zen zita berreskuratu dute Larrabetzun, maiatzaren 23an izango da. Aldez aurretik erositako sarrerek hitzordu berri honetarako ere balio dutela argitu du antolakuntzak; hain justu 17:00etako emanaldirako. 19:00tan bigarren emanaldi bat izango baita.
Bide batez, Sorotan Bele Gogoan egitasmoaren funtsa zein den gogorarazi dute: Egitasmoaren funtsa zera da: Euskal Herriko Musika Bandek taldearen abestirik berezienak berreskuratu eta jotzea Sarriegi nahiz Artolarekin batera. Lanak errazteko, Xabier Zabala zuzendariak idatzi ditu bandentzako egokitutako partiturak.
Ekimenaren helburua Sorotan Bele-k euskal musikagintzari utzitako ondarea transmititzea da, eta horretan Euskal Herriko musika bandak nahastea, euren herrietan jotzeko, 90eko hamarkadako taldearen abesti mitikoez berriro gozatzeko.