Solo

“Ezezagunetik, itxialditik, maitasunetik, elkartasunetik sortutako kanta da Solo”. Halaxe adierazi du Reincidentes taldeak YouTube kanalean zabaldu duen bideoarekin batera bidalitako prensa oharrean.

Bakartze garai honetan kontzientziak astintzen segitu nahi dutela diote, eta ezinegonetik jaio omen da Solo. Non itxi, non konfinatu ez duten horientzat idatzi dute, etxerik gabekoentzat.

Vergüenza da taldearen disko berriena, eta hainbat kontzertu aurreikusi dituzte datozen hilabeteetarako Euskal Herrian:

Maiatzak 2: Arrasate
Uztailak 3: Eibar
Uztailak 24: Zalla
Urriak 3: Zarrakaztelu