Joseba Sarrionandiaren eta Ruper Ordorikaren talentua uztartzetik sortu da Huntaz eta Hartaz izeneko ikuskizuna. Bi egileak buruz buru ariko dira otsailaren 6tik 9ra bitarte, lau gauez segidan, Bilboko Kafe Antzokian. 

Emanaldi intimoa iragarri dute areto txikian, Kutxa Beltza izenekoan, eta publikoa eserita egongo da. Sarrerak salgai jarri eta gutxira agortu ziren, baina egileek ez dute beste hitzordurik iragarri momentuz. 

Sarrionandiak, bere aldetik, badu musika eta literatura uztartzen dituen beste proiektu bat esku artean, kasu horretan Ines Osinaga musikariarekin batera: 'Olatu arteko txalupa arraroa'.