Hardcore melodikoaren lerro nagusiak bere egiten ditu Sarkor taldeak, rockari muzin egin gabe ordea. Esaterako, Su emoten lan berriak abesti rockzale batekin hasten da: Rock izar.

Altxatune estudioan grabatu dituzte disko berriko abestiak eta Leihotikan eta ezinean taldeko abeslariek kolaboratu dute Garaipenaren bila eta Esnatu abestietan hurrenez hurren.


HISTORIA PIXKA BAT

Sarkor taldeko musikariak 2003an batu ziren. Hainbat plaza, gaztetxe, taberna eta leku desberdinetan jotzen egon ondoren (lehen kontzertuan 2004ko udan eman zuten), bigarren diskoa kaleratu dute aurten. Lehenengoak Oingoan bai! zuen izenburua. Biak ala biak autoekoizpenaren bidez ikusi dute argia.