Colectivo Da Silva

Klikatu argazkien gainean handiago ikusteko

Pop apurtzailea maite duten gazteei zuzenduriko ziklo berria abiatuko du Bilboko BBK aretoak. Martxoaren 31n hasi eta maiatzaren 26ra bitarte, 11 artista eta taldek hartuko dute parte dozena erdi kontzertutan. 

Horietako batzuk ondo sendotutako taldeak dira, tartean, Triángulo de Amor Bizarro galizarrak edota Soledad Vélez. Beste batzuk bidea egiten ari dira, besteak beste, GOA, Amorante, Colectivo da Silva, Dani eta Merina Gris hirukoa.

Kontzertu guztiak 20:00etan hasiko dira, eta sarrerak salgai daude jada. Antolatzaileek diotenez, ziklo honen bitartez “Bilboko ostegunak astindu” nahi dituzte, eta “eszena puristatik aldentzen den musika elektronikoa, trapa, noisea, tropikalismoa eta musika tradizionalen berrikusketak” sustatu nahi dituzte.