Euskal Herriko Musika Bulegoa Elkarteak (EHMBE) martxan du jada bere sariketaran 7. edizioa. Helburu nagusia euskal artisten sorkuntza balorean jartzea, ezagutaraztea eta babestea da. 

Euskal Herriko musikaren sektorean lan egiten duen edozein agentek aurkeztu dezake MBS 2023rako hautagaitza. Otsailaren 2a izango da horretarako azken eguna, eta EHMBEren webgunearen bitartez egin daiteke.

Euskaraz egindako lanek edo sorkuntzek balio erantsia izango dute, sorkuntza instrumentalak edo beste hizkuntza batzuetan egindakoak ere aurkez daitezkeen arren, eta baldintza honakoa da: lanak 2022ko urtarrilaren 1etik 2022ko abenduaren 31ra bitartean jendaurrean aurkeztutakoak izatea. 

Aurtengoan ere, Profesionalez osatutako epaimahaiak baloratuko ditu aurkeztutako proposamenak, eta 10 sarituetatik 8 aukeratuko ditu. Sari banaketa ekitaldia datorren maiatzaren 17an izango da Errenteriako Lekuona Fabrikan.