Gaur egun musikagintzak bizi dituen etengabeko aldaketen isla dira azkenaldian Euskal Herrian agertu diren zigilu berriak. Mugimendu handia dago, eta han hemenka sortuz joan dira izen berriak. Batzuk, management mundutik datoz, beste batzuk taldeek beraiek sortutakoak dira, batzuk egitura guztiz profesionala daukate, besteak ordea amateurragoak dira. Euskal musikagintzan gertatu diren azken mugimenduei errepasotxo azkarra emanen diegu hemen.