Eneritz Furyak

Klikatu argazkien gainean handiago ikusteko

Ekainaren 6tik 9ra bitarte, Primavera Pro nazioarteko musika azoka profesionalaren 20. edizioa hartuko du Bartzelonak.  Eta, Basque Music at Primavera Pro ekimenari esker, euskal musikak ordezkaritza izango du mundu mailako topaketa horretan. 

Hain zuzen, MICE-k eta Eneritz Furyak-ek izango dute beren musika luxuzko eszenatoki horretara eramateko aukera. Ekainaren 8an eta 9an emango dute kontzertu bana, hurrenez hurren, Kataluniako hiriburuko  CCCB kultura garaikidearen nazioarteko zentroan. 

Sarrera doakoa izango da bi kasuetan eta, gainera, streaming bidez ere mundu osora zabalduko dira emanaldiak, azokako gainontzeko ekitaldiak bezalaxe.