Naturan oinarritutako abestia da Mezobarri, Korrontzik Xabier Amurizarekin batera osatu duen Koplariak diskoan aurkeztu zuena. Bideokliperako Oinkari dantza taldearen eta Eneko Gil koreografoaren partaidetza izan dute.

Xabier Amurizarekin elkarlanean osatuta Koplariak diskoko kantua da Mezobarri, Agus Barandiaran taldekideak naturan oinarrituta konposatu zuen abestia. Eredu bera jarraitu dute kantuaren bideoklipa osatzerako orduan ere eta, hala, Eneko Gilek egin duen koreografian argien eta itzalen arteko jokoan dantzatzen ageri dira Oinkari dantza taldeko dantzariak. Bideoklipa, azaldu dutenez, 2021eko martxoan grabatu zuten Nafarroan.