Klikatu argazkien gainean handiago ikusteko

Hamarkada bat baino gehiago darama Metal Norte jaialdiak metal musikaren erreferentziazko hitzordu izaten. Aurtengoa XI. edizioa izango da eta dagoeneko hasi dira kontzertu sorta osatuko duten taldeen izenak aletzen.

Bonfire izan zen aurreneko konfirmazioa. Alemaniarren Fistful On Fire diskoaren aurkezpen kontzertua izango da Euskal Herrian. Alexx Stahl-en ahotsa berriro ere; Frank Pané (gitarra), Ronnie Parkes (baxua), Tim Breideband (bateria) eta Hans Ziller gitarra eta liderrarekin batera. Heavy eta Rock doinuen uztarketaren adibide ona da Rock N' Roll Survivors kanta.

Iragarri duten bigarren banda: Adamantia. Fran Soler gitarra-jotzaileak, Manuel Soler abeslariak eta Mario Garcia baxuak 2015eko uztailean sortutako taldeak metal melodikoa jotzen du. Gerora, M. Soler eta Garciaren ordez, Isra Gadea eta Jose M. Perez sartu ziren. Gaure egun, iraupen luzeko hirugarren diskoaren aurkezpena dute esku artean.

Festibalaren inguruko berritasunak Facebook bidez jakinaraziko dituzte datozen hilabeteetan, harik eta jaialdiaren data heldu arte: urriaren 24an Donostiako Larratxo Kulturetxean.