Merina Gris

Klikatu argazkien gainean handiago ikusteko

Zuzeneko musika emanaldiak, disko-eta arte-azoka, dantza, antzerkia, hitzaldiak, eta zinekluba barne hartzen dituen kartela prestatu dute 2022ko Lekuek festibalerako.

Astebetez, martxoaren 12tik 19ra bitarte, programazio bete-betea izango da aukeran Gernikako hainbat gunetan: Astran, Iparragirre Rock Elkartean, Lizeoan. 

Sarrerak jada salgai dira gernikakolekuek.com webgunean.

Kontzertuei dagokionez, honakoa izango da eskaintza: 

MARTXOAK 12, larunbata
Metal gaua egingo dute Astran: The Broken Horizon, Phrymeral eta Numen. 

MARTXOAK 13, igandea
Trigger zuzenean ariko da, 13:30ean, Astran.

MARTXOAK 16, asteazkena
Empty Filesen kontzertua hartuko du Astra aretoak, 21:00etatik aurrera.

MARTXOAK 17, osteguna 
John Duer & The Blues Freaks taldea zuzenean ariko da Iparragirre Rock Elkartean.

MARTXOAK 18, ostirala
Bigarren asteburuari hasiera emateko, askotariko musika menua prestatu dute: Naz (Lagun etxean), Gailu eta Za! (Iparragirren), Seiurte (Musutruk); eta Punky Reggae Gaua Astran, Against You eta Skakeo taldeen parte-hartzearekin. 

MARTXOAK 19, larubata
Eta, programazioa borobiltzeko, Lekuek Jaialdiak azken traka indartsua dakar: J Martina, Merina Gris, Dupla eta Gora Etorri igoko dira Astrako oholtza gainera. Verde Prato (Lizeoan); Giudi e Quani eta Acid Messen (Iparragirren); eta Addar (Kult Parnasoan).