Heldu den apirilaren 23tik 26ra Bilbon Loraldia izeneko jaialdi berria egingo da. Hitzordua, euskal kulturaren adierazpen guztien topaketa izango da: musika, dantza, teatroa, literatura, bertsolaritza, arte plastikoak, bidaiak...

Loraldia festibalaren iturria Lore Jokoetan aurkitzen da. XIX. mendearen erdialdean Anton Abbadia kulturgileak abian jarri zituen Iparraldean euskarari prestigioa emateko xedearekin. "Loraldiak haren lekukoa hartuko eta XXI. mendean euskal kultura garaikidearen plaza ezinbestekoa sortu gura du", adierazi dute ekimenaren sustatzaileek.

Musikari dagokionez, Kalakan, Espaloian. Joseba Irazoki, Lurra, 22m2, Piztiak, Eñaut Elorrieta, Igelaren Banda, Arkaitz Miner, Mixel Etxekopar, Pello Ramirez, Xabier Zeberio, Mikel Markez, Hutsa, Antton Abbadia edota Xabi Aburruzaga ariko dira, besteak beste.