Akuriak

Bi urtez aritu da Gasteizko Lepora laukotea bere lehen diskoa lokalean prestatzen, harik eta Tolosako Bonberenean estudioetan grabatzera sartu diren arte. Karlos Osinagaren eskutik egin dute, eta bera arduratu da nahasketaz ere. Masterizazioa Jonan Ordorikak egin du Mamia estudioetan.

Leporakoek iragan urtarrilaren 31n eman zuten debut kontzertua Gasteizko gaztetxeko oholtzatik, Muinoko Hotsak ekimenaren baitan. Partaideek, baina, badute eskarmentua, beste hainbat bandatan aritutakok dira eta: Kashbad, Iont, Same Old, trumbo, Tutan Come On edota Libe.

Aurreneko diskoari taldearen izen bera jarriko diote –Lepora–, eta maiatzaren 13an ikusiko du argia. Aurrekari gisa, Akuriak abestia Sareratu dute. Diseinuaz Rodrigo Garcia arduratu dela iragarri dute, eta argazkiak Victro H-k egin dizkie.