La Topadora taldeak (Nafarroa, 2019) "Voy con todo" lehen diskoa (Maldito records, 2020) aurkezteko 2021eko birari ekingo dio aurki. Ezustekoz beteriko lana da, denetarik dauka, eta etiketatzeko zaila da.

Berriki, Cara O Cruz kanta berriaren bideoklipa aurkeztu dute, 360º-ko irudiekin osatua. Rockaren eta punkaren arteko bidegurutzean, lelo biziak eta itsaskorrak dakartza.

Bestalde, 2020an kaleratu zuten diskoa aurkezteko birari heldu nahi diote orain, pandemiak bete-betean zapuztu baitzuen iaz. Dagoeneko hiru kontzertu iragarri dituzte:

- Martxoak 20. Jimmy Jazz Gasteiz. 18:30.

- Martxoak 27. Totem (Atarrabia). 18:00.

- Apirilak 16. Santana 27 (Bilbo). 18:30.