Estilo uztarketa hauena!
Kitty, Daisy and Lewis bigarren diskoarekin datoz: Smoking in Heaven. Hamahiru kantu rock and roll, r&b, blues, ska, boogie... doinuen arrastoan, beti ere estilo vintage sarmangarrian bilduta.
Kitty, Daisy & Lewis zuzenean beharrezkoa den berotasuna eta hurbiltasuna lortzetik urrun badaude ere (hori da behintzat zuzenean ikusi ditugun askok sentitu duguna), ezin esan euren diskoak atsegin ez ditugunik.
Smoking in Heaven dute bigarren diskoa, eta euren estreinakoak izan zuen oiartzunaren ondotik, zer egingo zuten kuriositatez itxaroten genuen.
Bada, 13 kantu (guztiak propioak oraingo honetan) bildu dituzte, soinu dotore eta garbiz, rock and rollaren urrezko garaiko moduak erakutsiz.
Hala ere, estilo sorta zabaldu dute, "garaikdieagoak" diren piezak (funkzaleagoak) sartuz, zuzenean entzunda genituen doinu jamaikarrak baztertu gabe.
*** CD, formatu digitalean, binilo bikoitzean eta 78 rpm-ko 10 hazbeteko zortzi diskoko sortan (bildumazaleentzako) eskuragai dago.