Iazko azaroan 20 urte bete zituen Kerobia bandak, eta Iruñeko Baluarten ospatu zuten urteurrena. Abenduaren amaieran argitaratu zuten Hilak lan berria, eta orain, geldialdi txiki baten ostean, Iruña aukeratu dute disko hori aurkezteko. Apirilaren 8an joko dute jendaurrean, Zentral aretoan. 21:00etan egin dute hitzordua eta  sarrerak salgai dira jada 16 euroren truke. 

Zortzi kantuk osatzen dute Hilak eta etorkizun bila Lurra atzean utzi eta misioan abiatu ziren tripulatzaileen historiak kontatzen dituzte. Taldekideek azaldu dutenez, diskoa “%100 Kerobia da. Hitz gordin eta xamurrak biltzen ditu, deihadar-hotsak eta musika armonikoa!” 

Zentral aretoko hitzorduaren ostean, bira abiatuko dute Euskal Herrian barrena: 

Bilbo: Martxoak 12, Kafe Antzokia.

Andoain: Martxoak 18, Bastero.

Ondarroa: Martxoak 20, Beikozini.

Gasteiz: Apirilak 9, Jimmy Jazz.

Donostia: Apirilak 23, Doka.