Klikatu argazkien gainean handiago ikusteko

«Nazioartean itzal handia duten musikarien elkargunea izango da, zertan amaituko den jakitea ezinezkoa den bide askea. Horregatik dira bakarrak bertako kontzertu horiek; errepikatzea ezinezkoa delako». Hitz horiekin laburtu dute antolatzaileek Kaiola Festibalaren izaera eta asmoa.

Aurtengoa seigarren edizioa izango da, eta ekainaren 3 eta 4ko asteburuan ospatuko dute Galdakaon, Torrezabal Kultur Etxean. Ateak 20.00etan irekiko dituzte, kontzertuak 20.30ean hasteko, eta ikusleek zutik gozatuko dute zuzeneko saioekin. Sarreraren prezioa 15 eurokoa izango da eguneko, izan eren, egun bakoitzean lau proiektu aurkeztuko dituzte.

Nazioarteko eszenan ibilbide luzea eta itzal handia duten artistak ekarriko dituzte, free-jazza, inprobisazioa, elektroakustika eta esperimentazio sonoroa jorratzeko. Gehienek ez dute sekula lehenago elkarrekin jo, eta beraz, saio bakarra eta parekorik gabea izango da Kaiola Festibalean emango dutena.

Ostiralean, ekainak 3, honakoak ariko dira:
Oren Ambarchi & Crys Cole, Marcia Bassett & Samara Lubelski, Francois J. Bonnet & Stephen O’Malley, Chris Corsano & Dennis Tyfus, Eyvind Kang & Jessika Kenney eta Mazen Kerbaj

Larunbatean, ekainak 4: 
Chris Corsano & Leila Bordreuil & Luke Stewart eta William Parker & Hamid Drake.