Itzulera

Maiatzaren 8an helduko da Herri Urratsen 39.edizioa Senpereko aintzirara. Pandemiak behartutako bi urteko etenaren ondoren, ‘Itzulera’ leloa hartuko du festak, eta kanta homonimoa prestatzeaz arduratu dira Erramun Martikorena eta Zetak taldea.  Bideoklipean, bestalde, Kukai dantza taldeak hartu du parte.

Maiatzaren 8an bilduko den dirua Ziburuko Piarres Larzabal kolegioa handitzeko baliatuko dute eta 2023ko ikasturte hasierarako prest izatea espero dute. Seaskaren bosgarren kolegioa izango da.