90ko hamarkadan Su Ta Gar edo Latzen taldeek hasi eta hedaturiko euskarako heavy musikari segida eman zioten. Hain zuzen ere, Bizar anaiek gidatutako boskoteak bere lekua egin du Europako power metalaren eszenan (Helloween eta Stratovarius taldeak dira erreferente), eta Euskal Herriko ordezkari esanguratsuenak izan dira.
Azken kontzertuaren xehetasunak zehaztu eta argitu aurretik, bizkaitarrek agur esateko adierazpen berezia prestatu dute. Honatx:

Kaixo adiskideak!
Betidanik jakinarazi digute, hasiera duenak amaiera ere duela. Atzean utzi ditugu dagoeneko, ehunka kontzertu, mila entsegu baino gehiago, 54 kanta, 5 estudio disko, zuzeneko CD eta DVD-a, VHS home bideoa, eta batez ere ilusio handiz beteriko ordu pila. Uste dugu garai honen amaiera heldu dela, 14 urte iraun duen une bakar bat. Gu geu, garenarekin gelditzen gara, betiko lagunekin eta bidetik gehitu diren lagun guztiekin. Ez genuen sekula pentsatuko heldu garen lekura helduko ginatekeenik, milaka lagunen aurrean eta munduko talderik onenetariko batzuekin joko genuenik, gure hizkuntza Euskal Herritik kanpora eramango genuenik, ezta hemengo, estatuko eta munduko zenbait aldizkari, serie, filma edota libururen batean aterako gintuztenik, eta are gutxiago Japonian hainbat disko saldu edota Britainia Handiko Rock Hard-en urteko taldeen artean egongo ginenik ere. Agian hauek guztiak, gertaera xumeak izan daitezke baina ziur gaude, Idi Bihotz-ek pentsa genezakeena baino askoz gehiago eman diguna, eta agian egunen batean guzti honen jakitun izatera iritsiko gara.
Eskerrik askorik beroenak, guri gehien gustatzen zaigunaz, musikaz, haiekin gozatzeko aukera eman diguten herri eta hiri guztiei, zuen plazetan jotzeko aukera eman diguzuelako. Eskerrik asko ere festibal ezberdinei, promotoreei, gure managerrei, komunikabideei eta urte hauetan zehar ezagututako talde izugarriei, eta nola ez, zuei, jende guzti horri, zuen bihotzak ireki eta beharrezkoa den berotasuna eman diguzuelako, gu zuen bizitzen barruan sartzearren eta kontzertu guztiak ahaztezinak bihurtu dituzuelako. Bihotz-bihotzez, eskerrik asko!!!
Baina ez goaz beste barik, gehien atsegin duguna eginez agurtuko gara, azken kontzertu ahaztezin batekin. Laster zehaztuko dugu non eta noiz izango den, espero dugu guzti-guztiok bertan egotea, Idi Bihotz-i txapela jarriz izugarrizko garai honi amaiera emateko eta azken gau hau gure bihotzetan behin betiko gordetzeko.
Albaro, Pekkory, Iban, Gorka eta Mikel: BETIKO IDI BIHOTZ


IDI BIHOTZ 1996-2010
Idi Bihotz taldea 1996. urtean sortu zuten Mikel eta Gorka Bizar anaiek (abeslaria eta gitarra jotzailea), Iban Huarte (baxua) lehengusuarekin batera. Musika lehiaketa bat irabazi ondoren 1997an Herriaren Taupada aurreneko diskoa kaleratu zuten. Hurrengo urteetan, eta Albaro Alonso bateria jotzaile berriarekin, taldeak zer esana eman eta Arimaerratu bigarren diskoarekin arrakasta izan zuen. 2003an Amaigabe Berria hirugarrena laukote bezala aurkeztu zuten azkena izan zen. Izan ere, gutxira Pekkory gitarra jotzailea batu zen taldera. Boskotea osatuta Odola Sutan bosgarren diskoa grabatu zuten, eta oso baliagarria izan zen 2007an atera zuten zuzeneko lana prestatzeko.
Idi Bihotz orain arte plazaratu duten azken lana da. Zuzeneko disko eta DVD honetan izen handiko artistek parte hartu zuten: Su Ta Gar, Latzen, S