Geldirik egoten ez dakien laukote gaztea da Arctic Monkeys. Pasa den azaroan, 76 minutu luzeko iraupena duen Arctic Monkeys at The Apollo zuzeneko DVDa kaleratu zuten. Ondoren makina bat zinematan eskaini zuten Manchesterreko aretoan grabatutako zuzeneko kontzertuaren irudiak jasotzen dituen bideoa.

Orain berriz, Queens of the Stone Age taldeko buru den Josh Hommeren laguntzarekin, Humbug grabatu dute. Diskoa osatzen duten 10 kantuetako abesti bat baino gehiago jada zuzenean jo izan dute, beraz, ziur kalitateko abestiak direla. CD zein binilo formatuan jarriko dute salgai.

Honako hau da Humbug diskoa osatzen duten 10 kantuen zerrenda:
- "My Propeller"
- "Crying Lightning"
- "Dangerous Animals"
- "Secret Door"
- "Potion Approaching"
- "Fire And The Thud"
- "Cornerstone"
- "Dance Little Liar"
- "Pretty Visitors"
- "The Jeweller's Hands"