Euskal eszena esperimentala bultzatzeko asmoz abiatu du Hegoa Diskak proiektua Mikel Acostak; eta Londrestik egin du, han bizi baita. Egitasmo txiki eta pertsonaletan du ipinia interesa.

Hegoa Diskak-en zigilupean atera duten lehen diskoak Angel Katarainen musika dakar.  Bost disko grabatu zituen, eta horietatik bederatzi pieza aukeratu ditu diskorako Acostak, 1983 eta 1993 artekoak. Biniloan eman dituzte, 300 kopiako tiradarekin eta Jon Zabaletaren azalarekin. Lehenengo egin zuen kantua, Durangoko Azoka, da diskoan berreskuratu dutenetako bat. 

Hurrengo bi aleak ere aurreratu ditu: Carcascara hirukotearen jazz estiloko lan berria eta Atanas Akerstraren berrargitalpen bat, 2006koa.