Hautsi da Anphora

1980an ikusi zuen argia Hautsi da Anphora diskoak, Ruper Ordorikaren melodiekin eta Bernardo Atxagaren poemekin ondutako lana. Hain justu, Atxagaren lehen liburua zuen abiapuntu.  Haren hainbat olerki kanta bihurtu zituen Ordorikak, musika-ibilbidearen hasierari ekinez. 40 urte geroago, 10 kantuak berrargitaratu dituzte, gaurkotuta eta Mugalaris taldearekin kolaborazioan.

Korrika Kulturalaren programaren baitan aurkeztu dute, Senpereko Larreko aretoan, Bixente Martinez, Arkaitz Miner, ‘Lutxo Neira’ eta Hasier Oleaga musikariekin batera.

Estreinako ordu eta erdiko emanaldi horren ostean, hitzordu berriak iragarri dituzte: Eibar (martxoak 20), Gasteiz (martxoak 25) eta Errenteria (martxoak 27).