Igandean, martxoak 27, amaituko da 2022 honetako Loraldia programazioa. Eta, bukaera borobil gisa, Fermin Muguruza musikariaren ibilbidea omentzeko eta ospatzeko kontzertu berezia prestatu dute.  Gaueko 22:00etatik aurrera izango da, Bilboko Kafe Antzokian. Gogo bakar batek batuko ditu hiru talde: Euskal Herriko belaunaldi askoren soinu banda izan diren kantak gaurkotzea.

Hala, Kortatu, Negu Gorriak eta Fermin Muguruzaren beste abesti batzuk moldatu eta eszenaratuko dituzte ‘Muguruza Mani-Fest’  kontzertuan.

Horretaz arduratuko dira Juantxo Arakama & Asmatic Band; Nerea Erbiti, Ion Zelestino & Eskola Ergatiboa; eta La Basu & Basatiak.