“Jendea animatzeko eta gu geu ere animatzeko osatutako zerbait da”, adierazi du Sergiok, taldeko abeslariak. Esnatu Da pieza akustikoa osatu dute bandako bost partaideek, nork bere etxetik, eta Facebook bitartez zabaldu dute.

Itxialdiari eusteko indarra helarazteko ez ezik, eskaera edo aldarrikapen bat ere zabaldu nahi dute: “Ez dezagula hau azkar ahaztu. Gizarte bezala esnatu gaitezen, eta itzuli gaitezen ahaztuta genituen zenbait baloretara”.

Zortzi kantaz osaturiko disko berria argitaratu zuen taldeak iragan otsailean: Quim-en marrazkia. Aurkezpen-kontzertuak, baina, atzeratu behar izan dituzte.