Iera Naberan, Julen Ruiz, Amaia Arantzamendi, Nahia Elesgarai, Leire Elezgarai, Maitalen Aranberria eta Ainhoa Arreitaunandia dira Errietan taldea. Orain dela hiru urteko auzoko festa batzuetan hartu zuen forma Mutrikuko bandak. Hasieran bertsio-taldea zen, baina arian-arian euren kantak konposatzen hasi ziren. Gerora, pandemia garaian, nork bere etxean garatu eta entseatu ditu bere zatiak eta, azkenik, Mutrikuko bertako AME estudioetan borobildu dituzte abestiak.
Taldearen debut disko homonimoa gertuko tokietan jarri dute salgai, baina gehiagotara zabaltzeko asmoa dute, eta lehenbailehen zuzenekoen bitartez bere proposamena aurkezteko egarriz ere badaude.