2016an sortu zenetik eta laugarren urtez jarraian, Euskal Herriko Musika Bulego Elkarteak (EHMBE) Musikaren Urtekaria (2019) osatu eta musikazale guztien eskura jarri du formatu digitalean.

Urtekariak, aurreko saioetan bezalaxe, iragan urtean euskal musikagintzaren alorrean izandako gertakari aipagarrienak jasotzen ditu. Ez du jardun osoa biltzeko asmorik, ezinezkoa litzatekea, baina bai behintzat urte oso baten hurbilpen-argazkia eskaintzeko.

2019koa “trantsizio-urtea” izan dela dio EHMBEk. Eta dinamika horretan kokatzen ditu Urtekari honetan jaso dituen gai gehientsuenak ere:
Artistaren estatutuari forma emateko abian diren negoziazioak; Iñigo Muguruzari nahiz J.L. Ansorenari adioa; Durangoko Azokan EHMBEk abian jarritako ekimenen errepasoa; atzera begirakoa Musikagileak Zirkuituaren hastapenetara; Kontzertu-aretoek musikaren ekonomian duten garrantzia; jaialdi txikietara hurbiltzen diren bolondresen papera; History of Basque Music liburua; Berri Txarrak taldearen agurra; edota musika-kazetarien gogoetei buruzko hausnarketak.

EHMBE osatzen duten hainbat elkartetako ordezkariek sinatutako ekarpenak dira gehien-gehienak.