Klikatu argazkien gainean handiago ikusteko

Dock of the Bay Musika Dokumentalen Donostiako Jaialdiaren 14. edizioa ekainaren 7tik 12ra bitarte egingo dute. Momentuz kartela aurkeztu dute; aurtengo honetan ere Estudio Primo arduratu da diseinuaz.

Ikus-entzunezkoen emanaldiak Principal Antzokian eta Trueba zinema-aretoan izango direla iragarri dute. Eta, horretaz gain, berritasun bat: elkartzeko eta hausnartzeko pentsatutako ‘Elkarrizketak’ espazioa dakar aurten Jaialdiak. Koldo Mitxelena Kulturunean egingo dute azken hau, Gipuzkoako Foru Aldundiko Kultura Sailarekin elkarlanean.