Deadyard

Klikatu argazkien gainean handiago ikusteko

Deadyard

Arrasateko gaztetxea asteroko musika plaza garrantzitsua bilakatu da Kooltur Ostegunak programazioari esker. Astero-astero, talde bat aritzen da bertako eszenatokitik, 5 euroko sarreraren truke, eta beti 22:00etatik aurrera.

Otsailekoaren ostean, Kataluniako Deadyard banda arduratuko da martxoko egitaraua zabaltzeaz. Deadyard taldea Bartzelona aldeko eskarmentudun hainbat musikarik (Rippers, 77’… taldeetan ibilitakoak) sortu zuten 2017an. Punka eta rocka modu intentso eta basatian ulertzen dituzte, amorru biziz jotzen dute. Muletrain, Turbonegro… moduko banden doinuak dakartzate burura.

Jaio eta berehala, Deadyard boskoteak he Monkey Mongga Ep izeneko lana kaleratu zuen, sei pieza indartsuz osatua. Orain Armaggedon it disko luzea kaleratu berri dute, eta berau aurkeztuko dute Arrasateko gaztetxean martxoaren 5ean.

Deadyard kataluniarrei Skakeitan eta Dupla taldeek hartuko diete lekukoa martxoko Kooltur Ostegunetan, hilaren 12an eta 26an hurrenez hurren.

Eta datozen hilabeteetan gehiago… izan ere, The Hangmen, Zetak, Liher, Zea Mays… izenak aurreratu dituzte jada.