Gainera, Berlineko harresiaren 20. urtemuga ere ospatzen da astelehenean Horregatik Global Funk ekimenarekin elkarlanean Jim Avignon ilustratzailea ekarriko dute Neoangin bere proiektu musikalaren emanaldia antolatuz.

Jim Avignon Berlinen jaiotako ilustratzailea da eta hogei urtetik gora daramatza alemaniako eszena artistikoa astintzen. Azkeneko urteetan New Yorken bizi eta bertan ari da lanean. Europa eta Estatu Batuetan zehar ehundaka erakusketetan parte hartu du eta bere lanak formatu ezberdinetan landu ditu: arropa edo hegazkinak ilustratzera helduaz.

Neoangin da Jim Avignonek musika sortzeko erabiltzen duen izen artistikoa. Hamazazpi disko kaleratu ditu eta bilduma ezberdinetan parte hartu du. Musikalki elektronikatik indie popera doazen erritmoak lantzen ditu; sintetizadore, teklatu, erritmo kutxa eta beste hainbat baliabide erabiltzen dituelarik horretarako.

Festa Marek 131 dj eslovakiarrarekin amaituko da. Urte askotan Berlinen bizi izandakoa, jaia dantzan bukatzeko aitzakia paregabea izango da.


2009/11/08
19:30
Global Funk Party
Jim Avignon aka Neoangin + Marek 131
Le Bukowski
Donostia