Zalantza eta Egia

#Etxetik etiketapean hainbat bideo, kanta berri eta zuzeneko egiten ari da Xabi Bandini musikaria konfinamendua hasi zenetik. Ekimen honen baitan aurkeztu du, baita ere, Biba! disko berriko bigarren singlearen bideoklipa: Zalantza eta Egia.

Patreon plataformaren bitartez luzatu zien zaleei honetan laguntzeko deialdia eta, hain justu, jaso duen babes ekonomikoari esker grabatu eta editatu ahal izan du pieza hau. Artistak bere etxean grabatu du, eta Iñigo Chalezquerren ardura izan da editatzea.

Bizipiztiak izan zen Biba! disko berriko aurreneko bideoklipa. Eta bigarren honetan ere, Bandinik oso gogoan izan ditu, eta aipatu ditu, Biba! diskoan bidelagun izan dituen Pello Reparaz (ekoizpena) eta Paxkal Etxepare (grabaketa).