Kokein

Klikatu argazkien gainean handiago ikusteko

Belar Sounds musika programazioaren seigarren edizioa hasiko da ekainaren 15ean. Hilaren erdialdetik irailaren 14ra bitarte, uda osoko musika eskaintza dakar Gasteizera.

Zuzeneko bederatzi kontzertu izango dira, askotariko estilotakoak: rocka, funka, folka, bluesa, countrya, besteak beste.

Emanaldiak aire librekoak izango dira, Farelina lorategian, eta guztiak 19:00tan hasiko dira uztailaren 6koa izan ezik; Mondo Infiel taldearen kontzertua 13:30ean izango da.

Ekainaren 15ean, Bartzelonako The Lizards r&r eta punk taldeak zabalduko du zikloa. Ekainaren 29an Juan Valls gitarra-jotzaile eta abeslariak, Ander Etxaniz baxu-jotzaileak eta Mikel Marco bateria-jotzaileak osatzen duten Ramada Inn hirukoa ariko da 70eko hamarkadako rocka eta folka eskainiz.

Uztailaren 6an, 13an eta 20an Mondo Infiel nafarrak, Arnau & The Honky Tonk Losers eta Groove Nazar taldeak igoko dira oholtzara, hurrenez hurren.

Abuztuaren 24an eta 31n, berriz, Susan Santosen eta La Ola Maldita-ren txanda izango da, hurrenez hurren.

Eta, irailean, Kokein eibartarrak eta Hermana Furia arduratuko dira Belar Sounds egitaraua ixteaz (abuztuaren 7an lehenak, 14ean bigarrenak).