Klikatu argazkien gainean handiago ikusteko

Euskal Metal Fest jaialdiaren XI. edizioa ate-joka dator. Apirilaren 4an izango da, larunbatez, Donostiako Larratxo Kultur Etxean. Hilabete geratzen da hitzordurako, baina sarrerak kasik agortu dira: azken 30ak Sarean eskura daitezke.Baron Rojo izango da Euskal Herrian metal musikaren erreferentziazko festibal bilakatu den honen XI. edizioko kartelburu. Rock banda espainiarra betirako agur esateko biran murgilduta dabil, eta Euskal Herriko jarraitzaileak ere behar bezala asetu nahi ditu.

Baron Rojo ez ezik, beste hiru talde ere ariko dira Larratxoko eszenatokitik:

OXIDO
Iruñeko heavy rock talde interesgarrienetako bat.

DARKNOISE
Murtziako rock/metal banda garrantzitsuenetako bat, 15 urteko ibilbidea duena.

DRAVERNUE 
Donostialdeko estreinako disko interesgarrienetakoa argitaratu du Dravernue taldea. Azaroan plazaratu zuten lana, eta izaten ari diren kritikek diote azkenaldiko Euskal Herriko heavy metal kontzeptualaren estreinaldi onenetakoa dela. Beste banda hainbatetan ibilitako kideek osatzen dute. Hala nola, HIVERLAND, DAWNMASTER, DARK AVENUE, DRAKKEN, AIUMEEN BASOA eta MANDRAGORA NEGRA.