Guztira 160 biografia inguru, diskografiak (milatik gora diskoren erreferentziak), argazkiak eta datuak kontsultatu ahal dira. Halaber, makina bat kantu entzun eta bideo ikus daitezke. Horretarako, BADOK zortzi ataletan banatu dute: historia, biografiak, diskoetxeak, idatzizkoak (liburu zein aldizkariak), bideoak, hitzak, kantak eta albisteak. Menu zabala eta eduki zinez aberatsa.

Sarean ematen den lehen urrats finkoa izanagatik, aurrerantzean osatzen joango den datu base garrantzitsua dugu BADOK, euskal kantagintzaren ataria.