Klikatu argazkien gainean handiago ikusteko

Argia hedabideak eta Baltsan elkarteak elkarlanean antolatu dute Ziburuko Euskal Liburu eta Disko Azoka. 2022ko hau hirugarren edizioa izango da, eta ekainaren 4an ospatuko dute, larunbatez. 

Goizeko 10etatik iluntzeko 19ak bitarte, Ziburuko Pilota plaza euskal musika eta literatura sorkuntzaren bilgunea izango da. Orotara 33 argitaletxe, elkarte eta autoekoizlek erakusgai eta erosgarri jarriko dituzte euren produktuak, tartean, Elkar, Baga Biga, Bidehuts eta Mairü.

Gainera, sortzaileak beraiek ere izango dira azokan, besteak beste, Kalakan taldeko kideak, ØDEI edota Thierry Biscary. Egunari amaiera emateko, 20:00etan, Adar taldeak kontzertua emango du Pilota plazan bertan. 

Aurtengo kartelarekin Iñaki Segurola zena omendu dute, "Sed quia sua" liburuaren bidez.