L'Últimu Aliendu

Asturiera hutsez kantatzea da Misiva punk-rock taldearen zigilua. 2020an bandaren 10. urteurrena ospatzen ari dira eta, hainbat ekimenen artean, orain arteko proiekturik berezienari heldu diote: film labur bati musika (eta hitzak) jartzea.

Hala, L’Últimu Aliendu izeneko obra estreinatu eta zabaldu dute euren YouTube kanalean. Kutsu post-apokaliptikoa duen film laburra Titi Muñozek zuzendu du eta, musikari dagokionez, hiru abesti jasotzen ditu: Esclavos del Momentu, Héroes Ensin Nome eta Qu’Ard’l Sol. Kritika soziala baina mezu baikorra aldi berean. Doinuei dagokionez, nagusiki rockeroa da, nahiz eta taldeak ez duen inoiz albo batera uzten hain berezkoa duen punk-rock anglosaxoi ukitua.

OVNI estudioetan grabatu dute (Pablo Martinez, Desakato), eta Brad Boatright-ek masterizatu du Estatu Batuetan. EPa plataforma digital guztietan dago eskuragarri.