entzun.eus

Musika albisteak
eta agenda astero
zure postontzian!


| Sindikatu - RSS | Testu tamaina AAA

Berriak

bidali zure berria Bidali zure berria
2010-03-18

ASEL LUZARRAGAREN ASKATASUNA ESKATZEKO JAIALDIA BERMEOKO KAFE ANTZOKIAN

Asel askatu! Asel askatu!

Klikatu argazkien gainean handiago ikusteko
Lotura erlazionatuak
Asel Luzarraga idazle eta musikari euskalduna pasa den abenduaren 31n atxilotu zuten Txilen. Apirilean burutu eta errugabea dela erakutsiko duen epaiketaren kostuei aurre egiteko, jaialdia antolatu dute bere lagunek Bermeon larunbat honetan.

Hamaika ispilu ganbil (2003), Karonte (2005), Mozorroaren xarma (2007) eta Abaraska (2008) liburuak argitaratu ditu Asel Luzarragak euskaraz. Horretaz gain, Euskal PEN Klubeko zuzendaritzako kidea da, eta nazioarteko PEN Clubeko Writers for Peace (Bakearen aldeko idazleak) batzordean jardundakoa. Punkamine musika taldeko abeslaria izan zen eta itzulpengintzan eta irakaskuntzan ere lan egin izan du. Maputxeen lurraldetasun eskubideen alde egindako lanagatik ere ezaguna da Luzarraga Txilen bertan.

Luzarragaren zorigaitza iazko abenduaren 31n hasi zen, Padre de las Casas herriko bere etxean atxilotu zutenean, Txileko La Araucania eskualdeko Justizia Auzitegiaren aurka egun horretan bertan izandako atentatu saio batekin eta beste hiru erasorekin lotura izatea leporatuta. Baina egozten zizkioten atentatuak gertatu ziren egun horietan herrialdetik kanpo zegoela eta, akusazioa aldatu eta lehergailuak edukitzea leporatu zioten ondoren. Urtarrilean, epaileak hiru hilabete eman zizkion fiskalari ikerketa amaitzeko, eta bitartean Luzarraga espetxean mantentzeko agindua berretsi zuen, nahiz eta ondoren atxiloketa aldia bere etxean bete zezakeela ebatzi zuen. Gaur egun bertan da.

Epaiketa apirilerako espero dute, eta honek izango dituen kostuei aurre egiteko jaialdia antolatu dute Aselen lagunek martxoaren 27rako Bermeoko Kafe Antzokian. Bertan, Euskal Herriko talde entzutetsu ugarik parte hartuko dute, tartean Mikel Urdangarin, Txuma Murugarren, Ruper Ordorika, Joseba Tapia, Asier Serrano, Joseba Irazoki eta Petti bakarlariek eta The Uski
bidali zure berria Bidali zure berria
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.