Harrera ona eta sarreren salmenta azkarra ikusita, Ara Malikian biolin jotzaileak bigarren emanaldi bat iragarri du ekainaren 6rako, Bilboko Euskalduna Jauregian. Hala, data horretako 16:15etako kontzertuaren ostean, 19:15etan bigarren saio bat egingo du.
Ivan ‘Melon’ Lewis piano jotzailearekin batera sorturiko Petit Garage espektakulua eskainiko du, pandemiaren ondorioz 2020an bat-batean eten behar izan zuten Royal Garage jatorrizko ikuskizunaren aldaera bat, intimoagoa.
Sarrerak salgai daude www.euskalduna.eus webgunean 60-70 eurotan.