Mikel Kazalis Anestesia taldeko buruak sare sozialen bitartez zabaldu du Fenix bira berrartuko dutela. Zehazki, Fenix Tour MMXXII mini-bira deitu diote, bideoklip bat ere sareratu dute eta, orain, datozen asteetarako behin betiko daten zerrenda plazaratu dute.

Maiatza bukatu bitarte, bost kontzertu emango dituzte Euskal Herrian. Gero, aurreratu dutenez, Anestesiak jotzeari utziko dio denbora-tarte zehaztugabe baterako. Hortaz, zaleak deitu dituzte datozen kontzertu hauekin gozatzera. 

Ondorengoak dira laukote zarauztarrak iragarritako datak:

Martxoak 26: Gasteiz (Mendizorrotza)

Apirilak 2: Ondarru (Beikozini)

Apirilak 30: Donostia (Doka)

Maiatzak 14: Miarritze (Atabal)

Maiatzak 21: Bilbo (Kafe Antzokia)