Euskal Herriko lau talde eta Asturiastik etorritako Angel Kaplan-ek osatzen dute aurtengo Andoaingo Rock Jaialdiaren kartela. Ekainaren 19an izango da, taldeak bi agertokitan joko dute zuzenean (Bastero kulturgunean eta Ondarreta ikastetxean), eta 12:30etan hasiko dira emanaldiak.
Gernikako Audience taldekoek kaleratzear duten disko berriko hainbat single zabaldu dituzte jada, eta litekeena da Andoainen ere baten bat jotzea. Mungiako Belako laukoteak, bestalde, Plastic Drama lana aurkeztuko dio Andoaingo publikoari. Rüdiger, Willis Drummond taldeko Felix Buff baterijolearen proiektua da. Eta Inoren Ero Ni Andoainen bertan aspaldi, BAP! ostean sortutako banda da. Azkenik, Angel Kaplan Asturiasetik etorriko da.
Doako sarrerak eskuragarri izango dira ekainaren 4tik aurrera Bastero Kultur gunean.