Etenaldia izena du Aingeru Gorrotxategi kantautoreak YouTube kanalaren bitartez zabaldu berri duen kantak. Aspaldian ezer argitaratu gabe egon da donostiarra. Baina koronabirusak jendearen bizitzetan eragin duen etenaldiak astindu du.

Zeintzuk dira gure beldurrak? Eta erronkak? Ezer ikasiko al dugu? Zer? Horiek dira Gorrotxategik bere buruari asteotan egin dizkion galderak, eta Etenaldia izeneko abestian jaso dituenak.