Ilargi abeslari lezoarrak aurki kaleratuko du lehendabiziko estudioko lan luzea. Urtarrilean ‘Betirarte’ kanta sareratu zuen, eta orain bigarren singlea ere zabaldu du: Agur.

Diskoa Mutrikuko MAE estudioan grabatu du, Iker eta Haritz Laurobarekin.  Zortzi abestik osatuko dute diskoa, horietatik zazpi euskaraz. Pop, pop-rock eta indie doinuak dira nagusi, eta batzuek sentimenduetatik idatziak omen dira, eta beste batzuk injustiziekiko kritikatik. 

Agur kantaren bideoklipa, Txoritokieta eta Jaizkibelen grabatu zuten, eta prozesu horretan Idoia Motiño eta Maitane Rodriguez izan ditu bidelagun.