Nakar

Klikatu argazkien gainean handiago ikusteko

'Jalgi belak mastara, eta euskara plazara! lelopean, 2024ko Donostiako Aste Nagusi Pirataren egitaraua iragarri dute eta, tartean, 'Festa Ipar' eskaintza musikala zein izango den ere jakinarazi dute. 

Ohi bezala, kaian egongo den La Flamenka guneko eszenatokian izango dira emanaldiak, eta orotara 17 izen baieztatu dituzte: Akerbeltz erromeria, Bele, Hofe X 4:40, Los Zopilotes Txirriaos, Tremenda Jauria, La Fulana, Albina Stardust eta Divina Comedia, Dj Pezon, Dj Azkura, Bulego, Burutik, Nakar, Pelax, Belako, Sara Socas, eta Juantxo Skalari y la Rude Band.

Abuztuaren 10etik 17ra bitarte izango da aurtengo Donostiako Aste Nagusia. Piraten ekimena jaio zenetik bi hamarkada baino gehiago joan dira jada: 22. edizioa izango da aurtengoa. Jai herrikoi, parekide eta euskaldunen aldeko mugimenduak antolatuko dituen kontzertu guztiak doakoak izango dira.