8 / 10 euro

Rock klasikoa, blusa eta folketik edaten

Azaroak 23an, barikuan, Marcos Untzetaren& Bide Lapurrak eta Patxonen kontzertuak izango ditgu Azkue Aretoan Lekeitioko Udalak antolatuta.
Markos Unzeta, Londresen igo zen taula gainera aurreneko aldiz, lehendabizi bluesaren klasikoen bertsioak egiteko, eta ondoren berak ingelesez idatzitako kantuak eskaintzeko. Baina Euskal Herrira itzulita, Markos Untzeta eibartarrak euskaraz abesteari ekin zion. Untzetak hiru disko grabatu ditu, rock amerikar klasikotik, bluesetik eta folketik edaten duten diskoak. Gazte zela hasi zen Untzeta gitarra jotzen. Musikazale bihurtu zen gaztetxo zela, besteak beste Bob Dylanen Blonde on Blonde, Bruce Springsteenen Born To Run eta Tom Waits, Van Morrison eta Jackson Browneren disko ugari entzuten, eta haien bertsioak jotzeari ekin zion hasieran. Gero hori nahikoa izan ez, eta lehenengo abestiak egiten hasi zen, hain juxtu Ingalaterrara bizitzera joatea erabaki zuenean.
2011. urtean Mississippi (Gaztelupeko Hotsak) kaleratu zuen Untzetak, AEBetako herri musikaren lurraldean zehar egindako bidaia musikala. Blues akustikoko kantuak, ragtime eta country doinuak eta sustraidun kutsuko pop-rock konposizioak bildu zituen Untzetak lan horretan, Robert Johnson, Buddy Holly, Elvis Presley edota Hank Williamsen garai eta sorlekuari gorazarre eginez.
Markos Untzetaren ondoren Patxon izango dugu eskenatokian.
Sarrerak 5