Ostegun honetan, martxoak 24, BONGO BOTRAKO taldeak kontzertua eskainiko du Donostiako Doka Kafe Antzokian. Katalunia, Andaluzia, Extremadura, Frantzia eta Euskal Herritik 80tik gora kontzertu eskaini ondoren, Tarragonako zazpikoteak "Todos los dias sale el sol" lehen diskoa plazaratu berri du. Kataluniarrek zuzenekoak festa bihurtzen dituzte beraien "punk parranda" proposamenarekin. www.bongobotrako.com

KANTU LAGUN 2011 Kantulagun Berbaro euskara elkarteak eta Plateruena kafe antzokiak sustatu gura duten ekimen berria da, euskarazko herri-kulturgintza parte-hartzailea lantzeko ildoa indartuz. Beste hainbat euskal herritan arrakastaz egiten den legez, lagun arteko giroan kantuaz gozatzeko aukera eman gura diete Durangaldeko lagunei. Euskal kantutegiko ale ezagunak biziberritzeko eta ez hain ezagunak ezagutu, ikasi eta ahogozatzeko modua eskaini gura dute; tartean, Bizkaiko kantak. Horretarako, gainera, luxuzko kantuzaleak izango dituzte lagun: lantzean kantari, letragile edo musikari ezagun bat izango da gidari. Euskaldunon iruditeria eta ikuskeraren zati handi eta eder bat dago gure kantetan. Kantuzalea izan da euskalduna beti. Horretarako giro aproposaren bila dabilena... http://www.plateruena.net/bloga/