Arabatakada jaialdiaren bederatzigarren edizioa burutuko da apirilaren 1ean, ostiralez, Mendizabalako landetan.
Urterik urte
Arabatakada jaialdia aldatuz joan da. Hasieran kanpusean bertan egiten zen jaialdi xumetik Mendizabalako jaialdi erraldoi bat izatera pasa da. Apurka apurka, jaialdia kualitatibo zein kuantitatiboki handitu da, eta Euskal Herriko txoko ezberdinetako jendea hurbilaraztea lortu dute antolatzaileek.
Aurtengoan ere, karpa txikiarekin batera karpa erraldoi bat mantenduko da eta jaialdiaren gastu ekonomikoei aurre egiteko eta honen biziraupena bermatzeko sarrera minimo bat kobratuko dute, aldez aurretik erosita 8 eurotan eskuragarri egongo dena. Sarrera jartzearen arrazoi berdinagatik ezin izango da jaialdiaren eremura edaririk sartu.
Orain artean, iazko edizioa salbu, euskararen aldeko bandera izan da nagusi Arabatakadan. Aurtengoa ere, euskararen aldarria alde batera utzi gabe, unibertsitate eremutik sortutako jaialdi hau bestelako kutsu batez jaztea ikusi dute:
"Unibertsitate esparruan ematen ari diren aldaketen aurrean: euskararen degradazioa, eskubide demokratikoen murriztea